Op noh'm Greesberg

Op noh’m Greesberg, wells do Freud dir maache,

Op noh’m Greesberg, wells do häzlich laache,

denn do maache mir nur dolle Tön

un sage dann am Schluß bestemmb, 

wat wor dat wunderschön.

Achzehnhundertzweiunfuffzich wor en andre Zick,

wo hück Niehl un Neppes steiht, stund Kappes wick und brick, 

un om Eigelstein, em halve Mond, en jedem Johr,

wenn d’r Greesberg tagen däht, dann heß et met Humor:

Op noh’m Greesberg, wells do Freud dir maache... 

Jo dä Mann em Mond, uns Zeiche, dat eß aktuell, 

Rakete scheeße se erop, ens langsam un ens schnell. 

Hä laach jedoch un denk bei sich, wat han die bloß em Sinn, 

wenn dat he bovven doller wed, flüch ich noh Kölle hin:

Op noh’m Greesberg, wells do Freud dir maache... 

Text: Herbert Limbach (1919 - 1990)
Musik: Karl Berbuer (1900 -1979).